Оқушылардың бойында Отанға, елге деген патриоттық сезімдерін ояту және қалыптастыру мақсатында мектебіміздің 6-8 «а» сынып оқушыларымен Қарағанды қаласының облыстық тарихи-өлкетану мұражайына саяхат жасадық. Мұражайға саяхат жасау тұлғаның үйлесімді дамып, қалыптасуына зор ықпалын тигізеді. Сонымен қатар, оқушыларды ұлтжандылыққа, мәдениеттілікке, өз елінің тарихын құрметтеуге тәрбиелеп, шежірелі өлкенің тарихын біліп қана қоймай, оны сүйіп, құрметтеу әрбір азаматтың міндеті екендігін жете түсінуіне көмектеседі. Мұражайдағы саяхатымыз сақ мәдениеті залынан басталып, табиғат залы, археология, этнография, Тәуелсіздік залы, қала тарихы, жылжымалы көрме залы бөлімдерімен сабақтасты. Оқушыларымыз мұражай қызметкеріне өз сұрақтарын қойып, көптеген құнды ақпараттар алды. Балалар аса қызығушылықпен тыңдап, өз әсерлерімен бөлісті.
