17.11.22 ж. Геннадий Головкин атындағы спорт кешенінде 14 жастан асқан интеллектуалды мүмкіндіктері шектеулі балалар мен жастар арасында Облыстық баскетбол турнирі өтті. Турнирге бейімделген дене шынықтыру пәнінің мұғалімі Б.Н. Оразбековтың жетекшілігімен біздің мектептің оқушылар құрамасы қатысты. Оқушылар құрамасы: Н. Ососков, Г. Ососков, Е. Баймухан, М. Гильмутдинов, В. Туринцев, В. Швенглер, А. Кнырь, Р. Яскевич, С. Нагаметова. Біздің құрама ойыншылары белсенді ойын көрсетті. Кез келген командалық спорт түрлері сияқты, баскетбол да әлеуметтік дағдыларды дамытады. Командада жұмыс істей отырып, балалар бір-біріне көмектесуді, ортақ мүдделерін қорғауды және ұжымның игілігі үшін әрекет етуді үйренеді. Біздің спорттық құрама 3-орын иеленді. Жеңіс құтты болсын!
Сонымен қатар турнирде дриблинг және себетке доп лақтыруға арналған жеке тапсырмалар орындап, оқушылар медальдарға ие болды:
1 — орын — Е. Баймухан;
2 — орын — Р. Яскевич.
Барлық қатысушылар мен мұғалімді жеңістерімен құттықтаймыз!
Оқушыларға спортпен айналысуға талпыныс беретін осындай іс-шара үшін Облыстық турнирдің ұйымдастырушыларына алғысымызды білдіреміз!