Қасым-Жомарт Тоқаев отандастарымызға арнаған сөзінде Халықаралық балаларды қорғау күні – ерекше қуаныш пен жылуға толы тамаша мереке екенін айтты.
«Бұл күн әлемде балалардың бақыты мен күлкісінен маңызды ештеңе жоқ екенін тағы да еске салады.
Өскелең ұрпақтың жан-жақты дамуы үшін қолайлы жағдай жасау әрқашан мемлекетіміздің басты міндеттерінің бірі болды.
Біз жайлы балабақшалар мен заманауи мектептер саламыз, инновациялық орталықтар, оқушылар сарайлары мен спорт алаңдарын ашамыз, үйірмелер мен секцияларды іске қосамыз.
Балалар жылы аясында көптеген жаңа пайдалы жобалар жүзеге асырылуда, әр баланың әлеуетін ашуға бағытталған түрлі іс-шаралар өтуде.
Жыл сайын мемлекет осы жұмыс бағытын күшейтеді, өйткені балалардың әл – ауқаты еліміздің тұрақты ілгерілеуі мен жарқын болашағының негізі болып табылады», – деп атап өтті Президент.
Соңында Мемлекет басшысы жас қазақстандықтарды және барша отандастарды осы тамаша мерекемен құттықтап, барлығына мықты денсаулық пен табыс тіледі.